Enxeñaría Informática

Bueno, hoxe tócame contarvos que nos dixo o personaxe que veu falarnos da Enxeñería Informática.

Díxonos as diferentes titulacións que había, Enxeñeiro Técnico de Sistemas, Enxeñeiro Técnico de Redes (ambas de tres anos) e Enxeñeiro Superior (de cinco anos), e as diferenzas que había entre elas.

Comentounos que era o que se estudaba: linguaxes de programación e unha importante base de matemáticas.

Falou tamén das saídas laborais que se contemplaban para esta carreira, en Galiza seica eran un pouco limitadas, pero que en Madride e Barcelona non había problema para atopar traballo e que no estranxeiro, en lugares coma Alemaña e Polonia, eran moi demandados estes enxeñeiros e que se lles trataba moi ben, soldos altos, profesores particulares e iso...

Esta en lugar de convencerme coma a de onte desanimoume un pouco, porque pensaba que estaba máis enfocado ao control de programas e software a nivel de usuario, e non tanto a programar e xestionar redes, sistemas e cousas do estilo... Por este motivo perdín un pouco de interese, pero aínda non a descarto, porque dentro do que hai é do que máis me gusta...

Sen máis...