Matemáticas

Agora paso a falarvos da chachara de Mates, que foi a que me tocou a min. Veu o decano da Facultade de Matemáticas e comentounos un pouco todo a grandes rasgos.

Falamounos do plan de estudos, das materias e tal, e neste sentido destacar que teñen docencia repetida nos dous cuadrimestres, e que a informática ten un papel importante, e mellor, porque tamén a tiña entre as miñas preferencias...

Logo falounos das saídas que tiña, o que me chamou bastante a atención, porque só lle vía a saída da docencia, pero seica están en todos os lados, que ata fan falla para as ortodoncias e cousas raras do estilo...

O lado negativo é que é unha licencitura de cóbados, sobre todo o primeiro ano, o que me viría ben, para levar o palo tan pronto comezar, o que me faría porme serio os catro anos seguintes. Pero bueno, partindo da base de que na Universidade hai que estudar, prefiro facelo con números e o ordenador que con letras.

E joba, máis alá de que o tío ven a vendernos a moto, a min pareceume bastante convincente... porque vale, antes xa me chamaba bastante a atención pero a tiña en segundo plano porque só lle vía a saída da docencia, pero, como acabo de dicir, seica ata fan falla matemáticos para medir a distancia á que prantar as sementes das leitugas para que aumente a produtividade... e logo esta o tema das Erasmus en Italia e Portugal que me interesa bastante (aínda que xa veremos despois que pasa...).

E iso, que onte non tiña claro que facer, pero a día de hoxe podo dicir que as Matemáticas son, se non a miña prioridade, si unha delas.

Sen máis...