Parábola do venres: O tarro de vidro

Hoxe, cumplindo coa miña cita semanal, vouvos poñer unha historia que moitos, ou polo menos algúns, xa coñecíamos... aí vos queda:


Un profesor (esta parte aos de C lembranos algo...), diante dos seus alumnos da clase de filosofía, sen dicir nin unha palabra, colleu un bote grande de vidro e procedeu a enchelo con pelotas de golf.

Despois preguntou aos estudantes se o bote estaba cheo. Os estudantes estiveron dacordo en dicir que sí.

O profesor colleu unha caixa chea de perdigóns e baleirounos dentro do bote. Estes encheron os espazos baleiros que quedaban entre as pelotas de golf.

O profesor preguntou de novo aos estudantes se o bote estaba cheo, e volveron a contestar que sí.

Despois o profesor colleu unha caixa con area e a emborcou dentro do bote. Por suposto que a area encheu todos os espazos baleiros e o profesor volveu preguntar se o bote estaba cheo.

Nesta ocasión, os estudantes responderon cun sí unánime.

O profesor, engadiu rapidamente dúas tazas de café ao contido do bote e, efectivamente, encheu todos os espazos baleiros entre a area.

Os estudantes sorrían.

Cando a risa minguou, o profesor lles dixo:

- "Quero que vos fixedes que este bote representa a vida. As pelotas de golf son as cousas importantes como a familia, a saúde, os amigos, o amor e as cousas que te apaixoan. Son cousas que, aínda que perdéramos o resto e só nós quedasen estas, as nosas vidas aínda estarían cheas.

Os perdigóns son as outras cousas que nos importan, como o traballo, a casa, o coche...

A area é o resto das pequenas cousas. Se puxésemos primeiro a area no bote, non habría espazo para os perdigóns, nin para as pelotas de golf. O mesmo sucede coa vida. Se empregamos todo o noso tempo e enerxía nas cousas pequenas, non teríamos lugar para as cousas realmente importantes. Presta atención ás cousas que son cruciais para a túa felicidade. Xoga cos teus fillos, concédete tempo para ir ao médico, vai cear coa túa parella, práctica a túa afición favorita... Sempre quedará tempo para limpiar a casa (porquiño), para reparar a chave do auga. Ocúpate primero das pelotas de golf, das cousas verdadeiramente importantes. Establece prioridades, o resto soamente é area".

Un dos estudantes levantou a man e preguntoulle que representaba o café.

O profesor sonriu e dixo:

- "¡Alédame que me fagas esa pregunta!. O café é para demostrar que aínda que a túa vida pareza chea, sempre hai un oquiño para tomar dúas tazas de café cun amigo".

¡¡¡Cando as cousas da vida te superen, cando 24 horas ao día non abondan, lembra a historia do bote de vidro e o café!!!

Sen máis...